Меншікті өндіріс
Біз әлеуметтік желілердеміз
«Баласын ұрып-теуіп тастаған»: Шымкентте сәбиін əжетханада ұрған әйел видеоға түсіп қалды
23.10.2018 20:11
Шымкентте өз сәбиін ұрып, одан қалса оны жылаған күйі жерге жатқызып қойған әйел видеоға түсіп қалды. Осынау сәттегі бейнежазба Instagram әлеуметтік желісіндегі топтарда жарияланған.
Жазба авторының айтуынша, ол баласын ұрып, одан қалса, тепкен екен. Ал өзін сабырға шақырғандарды балағаттаған.
«Мынау бүгін Шымкентте жұмыспен қамту бөлімінің əжетханасында болған. Баласын ұрып-теуіп, мына əйел араша түскен адамдарға сөз айтқан», – деп жазған автор.
Өз кезегінде желі қолданушылары сәбиіне аяушылық танытпаған әйелге ашуланды. Көпшілік баланың жағдайына алаңдап жатқандарын жазған.