Алматыда алдағы демалыс күндері ауа райы қандай болмақ?

Күздің соңғы айында ауа райының салқындығы сезілуде. Алдағы күндері Алматы қаласында ауа райы қандай болмақ? Бұл сұрақтың жауабын «Казгидрометтің» Алматы қаласы бойынша инженер-синоптигі Ақзер ӘШІМ айтып бермек.

– Ақзер ханым! Демалыс күндері алматылықтарды қандай ауа райы күтіп тұр?

– Алдағы демалыста бізде Алматы және Алматы облысы антициклонның ықпалында болады. Ашық, жауын-шашынсыз, салқын ауа райы күтіледі. Ертең жауын-шашын болмайды, түнде 4-6 аяз, күндіз 3-5 градус жылы болады. 4 қараша күні кешке қарай аздаған қар жаууы мүмкін. Себебі, бізге суық ауа массасы келеді. Сол себепті ауа температурасы төмендейді. Түнде 2-7 аяз, күндіз 3-8 градус жылы болады.

– Таулы аймақтарда қандай ауа температурасы күтіледі?

– Таулы аймақтарда бізде өте суық болады. Және де 3 қараша күні түнде қар жауады, ал 4-і күні күндіз қар жаууы мүмкін. Түнде температура 7-12 аяз шамасында болады, күндіз 3-8 градус аяз шамасында.

– Қараша айында мұндай ауа райы қалыпты ма?

– Иә, қараша айына бұл өте қалыпты жағдай. Бізде ауа температурасы осындай салқын және де қар жауып тұрады. Жауын-шашын мөлшері – 57 мм. Қазір бізде 9 мм жауды.

– Ақпаратыңызға рақмет!