Меншікті өндіріс
Біз әлеуметтік желілердеміз
Алматыда болған жол апатының салдарынан 22 жастағы жігіт қаза тапты
03.10.2017 21:45
Алматының қақ ортасында тағы бір ірі жол апаты болды. Toyota camry көлігін тізгіндеген жүргізуші жоғарғы жылдамдықта жүйіткіп келіп, жиекте тұрған бағанаға барып жаншылған. Оқыс оқиға Мұқанов көшесінің бойында тіркелген. Қатты соққыдан көлікті басқарған 22 жастағы жігіт сол жерде тіл тартпай кетті. Қалған 3 жолаушы түрлі дене жарақаттарын алған. Дәрігерлер оларды қаладағы ауруханаларға жеткізді.
«Науқастарға шұғыл көмек көрсетілді. Зардап шеккен 2 адам медиктердің емінен кейін үйлеріне жіберілді. Ал үшінші науқасқа күрделі ота жасалды. Алған жарақаты тым ауыр. Қазір есін жиды, өміріне еш қауіп төніп тұрған жоқ», - деді Орталық қалалық клиникалық аурухананың бөлім меңгерушісі Берік ЕРҒАЛИЕВ.