Сенат депутаты референдумға қатысты пікір білдірді

Бүгін бұқаралық ақпарат құралдар беттерінде Мемлекет басшысы Тоқаевтың Қазақстанда Конституцияға енгізілетін түзетулер жобасы бойынша референдум өткізу туралы ұсынысы жарық көрді. Осыған орай Сенат депутаты Ақмарал Әлназарова пікірін білдірді, деп хабарлайды Almaty.tv тілшісі malim.kz сайтына сілтеме жасап.

Ақмарал ӘЛНАЗАРОВА, Сенат депутаты:

– Референдумдар көбінесе маңызды заң актісін, құжатты, Конституцияға түзетулерді қабылдау үшін өткізіледі. Конституцияға бұл түзетулер іргелі сипатқа ие және елдің саяси жүйесін түбегейлі өзгертетін қадам.

Өз басым бұл ұсынысты құптарлық деп көрем, себебі бұл референдум Президентіміздің «халықтың үніне құлақ асатын мемлекет» концепциясының жалғасы ретінде сияқты. Ондағы басты идея азаматтың мүдделері басты орынға шығатын, онда мемлекеттік органдардың азаматтармен өзара әрекеттесе отырып, азаматтардың шешім қабылдау және олардың бақылау процесіне тартылуына мүмкіндік беретін кедергісіз мемлекет құру деп білемін.

Конституцияға түзетулерді референдум өткізу арқылы енгізу, бұл халықтың ерік білдіруінің жарқын көрінісі. Себебі әрбір азамат «Жаңа Қазақстанның» құрылысына қатыса алады.

Материалды қолданған жағдайда, бастапқы 1 немесе 2-сөйлемде malim.kz сайтына гиперсілтеме беруіңізді сұраймыз. Авторлық құқықты құрметтегеніңізге алғыс айтамыз.