Жолдауды тарихи оқиға деп бағалауға болады – Сана Жандаева

Алматы қаласы Наурызбай аудандық «Бақытты отбасы» көп балалы және аз қамтылған отбасыларға арналған әлеуметтік орталығының басшысы Сана Жандаева Президент Жолдауынан алған әсерімен бөлісті, деп хабарлайды Almaty.tv.

«Бүгін Президент Қасым-Жомарт Тоқаевтың Қазақстан халқына жасаған Жолдауын тарихи оқиға деп бағалауға болады. Әсіресе, дала демократиясы, ұлттық бірлік пен қоғамдық диалогты атап өткім келеді», - деп жазды Сана Шайханқызы әлеуметтік желідегі жазбасында.

Ол Ұлттық кеңестің қызметін жалпыұлттық деңгейде жалғастыратын Ұлттық Құрылтайдың құрылғаны туралы хабарды естіп, қуанған.

Оның пікірінше, бұл - кең қоғамдық диалогтың жаңа институты. Бұл алаңда барлық өңірлердің белгілі қоғам қайраткерлерінің болуы, оларға орталық деңгейде ел дамуының кең ауқымды мәселелерін талқылауына қатысуына мүмкіндік береді.

«Тарихқа көз жүгіртсек, ата-бабаларымыз барлық тағдырлы шешімдерді халық жиналыстарында талқылап, қабылдаған. Біз Ұлы даланың осынау демократиялық дәстүрін жаңғыртуымыз керек», – деді Елбасы.

Басты байлығымыз – Тәуелсіздікті көздің қарашығындай сақтап, ұлттық болмыстың іргетасын нығайтып, елді өзгертуге жұмылуымыз керек дегенге келісемін. Бұл - біздің болашақ ұрпақ алдындағы қасиетті парызымыз.

«Осылайша, құрылтайдың арқасында әртүрлі пікірдегі барлық өкілдерді қамтитын өкілді құрылым қалыптасады. Ұлттық құрылтай мүшелері тұрақты түрде бас қосып, маңызды мәселелерді талқылайды», - деп жазды Сана Шайханқызы.