Алматыда Бас ботаникалық бақ 15 маусымнан бастап қайта ашылады

Алматыда 15 маусым күні Бас ботаникалық бағы қайта ашылады, деп хабарлайды Almaty.tv.  

15-21 маусым аралығында барлық келушілер жаңартылған баққа тегін кіре алады. Сондай-ақ, бақ аумағында бір апта бойына экскурсиялар, өсімдік шаруашылығы бойынша дәрістер мен семинарлар ұйымдастырылады.

Бұл күндері бақ сағат 10:00-ден 23:00-ге дейін ашық болады.   

Ботаникалық баққа:

- Тимирязев көшесіндегі негізгі кіреберістен;

- әл-Фараби даңғылы тұсынан;

- «Атакент» көрме орталығының аумағынан кіруге болады.

Айта кетерлігі, барлық келушілер міндетті түрде медициналық маска киюі қажет.