Меншікті өндіріс
Біз әлеуметтік желілердеміз
Алматыда коммуналдық қызмет тарифі көтерілгені үшін кімдерге өтемақы ұзартылды
Бір жылда 0,8 АЕК мөлшерінде ай сайынғы әлеуметтік төлем көрсетілді
Бүгін Алматы мәслихатының депутаттары 2025 жылғы 1 сәуірге дейін халықтың әлеуметтік осал санаттарына коммуналдық қызметтерге тарифтердің көтерілуіне өтемақы төлеуді 0,8 АЕК мөлшерінде ұзарту туралы шешімді бірауыздан қолдады, деп хабарлайды Аlmaty.tv.
Алматыда қала әкімінің тапсырмасы бойынша "Инвестиция орнына тариф" бағдарламасы аясында 2023 жылдың шілдесінен бастап жыл ішінде 0,8 АЕК мөлшерінде ай сайынғы әлеуметтік төлем көрсетілді. Әлеуметтік көмектің бұл түрін ХӘОТ 9 санатының ішінен 140 мыңнан астам азамат алды.
"Біз коммуналдық инфрақұрылымның жоғары тозуы аясында тарифті көтерудің үлкен қажеттілігі бар екенін түсінеміз, бірақ бұл ретте Алматы әкімдігі үшін халықтың әлеуметтік осал санаттарын қолдау әрқашан басымдыққа ие", - деді Жұмыспен қамту және әлеуметтік бағдарламалар басқармасының басшысы Бауыржан Жаубасов.
Естеріңізге сала кетейік, ХӘОТ 9 санатына әлеуметтік төлем алу үшін (ҰОС ардагерлері, ҰОС ардагерлеріне жеңілдіктер бойынша теңестірілген басқа мемлекеттердің аумағындағы жауынгерлік қимылдардың ардагерлері, бірінші және екінші топтағы мүгедектігі бар адамдар, мүгедек балалары бар немесе оларды тәрбиелеп отырған отбасылар, «Алтын алқа», «Күміс алқа» төсбелгісімен наградталған көпбалалы аналар, көпбалалы отбасылар, мемлекеттік немесе қоғамдық міндеттерді атқару кезінде, әскери қызметте, ғарыш кеңістігіне ұшуды дайындау немесе жүзеге асыру кезінде, адам өмірін құтқару кезінде қаза тапқан (қайтыс болған) адамдардың отбасылары, құқық тәртібін қорғау кезінде жасына байланысты зейнеткерлер, жетім балалар және ата-анасының қамқорлығынсыз қалған балалар) Алматыда тұрақты тіркелуі және тұрғылықты жері болуы, қала әкімдіктерінің жұмыспен қамту және әлеуметтік бағдарламалар бөлімдеріне өтініш беруі және сәйкестендіру үшін жеке куәлігін ұсынуы қажет.
Көмектің осы түрін ресімдегендерге өтініш берудің қажеті жоқ, оларға әлеуметтік көмек автоматты түрде ұзартылады.
Оқи отырыңыз: Алматы мәслихаты қаланың жергілікті бюджетін нақтылауды қолдады