Қазақстан мен ЕҚДБ 935 млн доллардың жобаларын қаржыландыру туралы келісті

Қасым-Жомарт Тоқаев Еуропалық қайта құру және даму банкінің президенті Одиль Рено-Бассомен кездесті, деп хабарлайды Аlmaty.tv тілшісі Ақорданың баспасөз қызметіне сілтеме жасап.

Кездесуде экономиканың түрлі секторындағы ынтымақтастық мәселелері талқыланды.

«Былтыр Қазақстан Үкіметі мен Еуропалық қайта құру және даму банкі 25 жобаны қаржыландыру туралы келісімге қол жеткізді. Бұл жобаларға тартылған инвестиция көлемі 935 миллион долларды құрады», - делінген хабарламада.

Одиль Рено-Бассо Қасым-Жомарт Тоқаевқа «жасыл экономика» бағдарламаларын жүзеге асыру барысы туралы мәлімдеді. Бұл бастамаға ЕҚДБ 2 миллиард еуро инвестиция құюды жоспарлап отыр.

Оқи отырыңыз: Қазақстан мен Еуропа Одағы қарым-қатынасы: Президент 4 басым бағытты атады