ДСМ: Елімізде маска тағу режимі қайта енгізілуі мүмкін бе

Қазақстандықтарды омикронның жаңа түріне байланысты қайта бетперде тағуға міндеттеу жоспарда бар ма? Бұл туралы Денсаулық сақтау министрі Ажар Ғиният айтып берді, деп хабарлайды Almaty.tv тілшісі Tengrinews.kz-ке сілтеме жасап.

Орталық коммуникациялар қызметінде өткен брифингте Денсаулық сақтау министрлігінің басшысынан "стелс-омикрон" штамына байланысты Қазақстанда маска тағу режимін қайтару жоспары туралы сұралды.

"Бүгінде маска тағу режимін енгізуге негіз жоқ. Бұл елдегі эпидемиологиялық жағдайға байланысты болады", - деп жауап берді Ғиният.

Ақпанның басында ДДСҰ мамандары омикронның жаңа балама түрі - "стелс-омикрон" штамы таралып жатқанын ескертті, оны "қолда бар сынақтардың көмегімен анықтау өте қиын". Штамм алғаш рет Африка құрлығының бес елінде анықталды: Ботсвана, Кения, Малави, Сенегал және Оңтүстік Африка.

13 мамырда Денсаулық сақтау министрлігі Қазақстанда "стелс-омикрон" анықталғанын хабарлады.