Меншікті өндіріс
Біз әлеуметтік желілердеміз
Алматыда 2 мыңға жуық жедел жәрдем қызметкері төлемақы алды
Бұл туралы онлайн брифинг барысында Алматы қалалық жедел жәрдем стансасының бас дәрігері Біржан Оспанов айтты
Алматыда індетпен күресіп жатқан 2 мыңға жуық жедел жәрдем қызметкері төлемақы алды. Бұл туралы онлайн брифинг барысында Алматы қалалық жедел жәрдем стансасының бас дәрігері Біржан Оспанов айтты, деп хабарлайды Almaty.tv тілшісі ҚазАқпаратқа сілтеме жасап.
«4 ай ішінде наурыздан маусымға дейінгі аралықта 2,222 млрд теңге көлемінде төлем төленді. Дәрігерлер мен фельдшерлер – бірінші санат бойынша, жүргізушілер екінші санат бойынша үстемеақы алды», – деді Біржан Оспанов.
Жедел жәрдем стансасының 185 дәрігеріне, 1184 фельдшеріне, 822 жүргізушіге төлем төленді.
«Қала әкімдігі жедел жәрдем қызметкерлерін қорғаныс құралдарымен қамтуға аса мән беріп отыр. Қолғап, маска, басқа да қорғаныс құралдары жеткілікті дәрежеде», – деді Б.Оспанов.