Алматыдағы жұқпалы ауруханалар әлі де науқасқа толы

Алматыда 29 ковидті ауруханада 1788 адам бар. Бұл туралы Алматы қалалық Қоғамдық денсаулық сақтау басқармасы басшысының орынбасары Лаура Мырзағали Өңірлік коммуникациялар қызметінде өткен баспасөз конференциясы кезінде мәлімдеді, деп хабарлайды Almaty.tv.

Л. Мырзағали Алматыда 29 қыркүйектегі жағдай бойынша коронавирус инфекциясын жұқтырған 167 710 науқас тіркелгенін хабарлады. Соның ішінде аурудың белгілері бар 145 009 адам, симптомсыз 22 701 науқас, 2372 анықталмаған пневмония.

«Соңғы тәулікте коронавирус инфекциясын жұқтырған 426 науқас тіркелді. Соның ішінде 408 ауру белгілері бар және 18 белгілері жоқ. Тәуліктік өсім 0,2% болды. Сонымен қатар жұқтырғандардың 89-ы зейнеткерлер, 57-сі мектеп оқушылары, 9-ы студенттер, екеуі балабақшаға баратын балалар, тағы 20-сы ұйымдастырылмаған балалар», – деді Л. Мырзағали.

ҚДБ өкілі аурудың төмендеуіне қарамастан, қауіпті індеттің әлі сейілмегенін атап өтті. Себебі жұқпалы аурулар ауруханалары әлі де науқасқа толы.  Бүгінгі күні 1788 адам ауруханаға жатқызылды, оның ішінде 53 бала. Пациенттердің 71– өте ауыр, 855 – ауыр, 862 – орташа ауыр. Қалада барлығы 5 230 төсек-орын орналастырылған.

«Реанимация бөлімінде 179 алматылық бар, тағы 35 адам вентиляторға қосылған, 86 адам инвазивті емес желдеткіште, 51 адам жоғары ағынды қондырғыларға қосылған», – деп жалғастырды Л. Мырзағали.

Бүгінде 4448 пациент АМСК мен Телемедицина орталығының мобильді топтарының бақылауында үйде жатыр, олардың 159-ы симптомсыз, 4190-ы жеңіл, 99-ы орташа ауырлықта.  Науқастардың жалпы санынан 598-ы жұқпалы аурулар ауруханасынан әрі қарай бақылау және оқшаулау үшін шығарылған азаматтар.