Шымкентте өртенген ғимараттан ер адамның денесі табылды

24.05.2022 16:16

Қазір қайтыс болған адамның кім екені анықталып жатыр

Фото: ашық дереккөзден

Шымкентте өртенген ғимараттан ер адамның денесі табылды, деп хабарлайды Almaty.tv тілшісі Stan.kz-ке сілтеме жасап.

21 мамырда сағат 21:45-те "101" пультіне Шымкентте Тәуке хан даңғылы бойындағы өрт туралы хабарлама келіп түсті.

Өрт сөндірушілер қолданысқа әлі берілмеген ғимараттың (жалпы көлемі 400 шаршы метр) бірінші қабатында өрт шыққанын анықтаған.

Өрт 22:17-де ауыздықталып, 22:27-де сөндірілді.

Өрт сөндірушілер оқиға орнынан жанып кеткен адамның мәйітін тапты. Қазір қайтыс болған адамның кім екені анықталып жатыр.

Шымкенттің полиция қызметкерлері өрттің шығу себебін анықтап жатыр.

Теги: адам өлімі қайтыс болды өрт сөндіру Үй өртенді