Меншікті өндіріс
Біз әлеуметтік желілердеміз
«Қазақ аруы – 2019» байқауының жеңімпазы анықталды (видео)
Еліміздің ең сұлу аруы атағы үшін әр аймақтан келген 18 қыз бақ сынасты
Астанада «Қазақ аруы – 2019» байқауының жеңімпазы анықталды. Финал 19 наурыз күні Бейбітшілік және келісім сарайында өтті. Бұл туралы Stan.kz хабарлады.
Еліміздің ең сұлу аруы атағы үшін әр аймақтан келген 18 қыз бақ сынасты. Өздеріңіз білетіндей, бұл байқауда қыздардың тек сыртқы келбетіне емес, біліміне, салт-дәстүр мен мәдениеттен хабарына баса мән беріледі.
Павлодарлық Сания Темірханова «Қазақ аруы-2019» байқауының жеңімпазы атанды. Өткен жылы бойжеткен республикалық сұлулық байқауына Павлодардың атынан қатысқан болатын.
Бірінші орын қарағандылық Айғаным Орынбековаға, екінші орын астаналық Анна Вайдуроваға, ал үшінші орыс павлодарлық Сая Тұрсынбековаға бұйырды.
Байқау бағдарламасына сәйкес, қыздар шығармашылық және білім сайысына түсті. Үшінші кезеңде қазақстандық дизайнерлердің көйлегімен сән көрсетті.
Қазылар алқасының құрамында Ерік Жолжақсынов, Қарақат Әбілдина, Баян Алагөзова, Динара Сәтжан, Айгүл Мүкей, Бірғаным Әйтімова болды. Жобаның бас продюсері Баян Мақсатқызы екенін айта кетейік.