Күйзеліс жүрек ауруының даму қаупін арттырады

Күйзеліс немесе депрессия - эмоционалды жағдай ғана емес, денсаулыққа қатты әсер етуі мүмкін, деп хабарлайды Аlmaty.tv тілшісі Қоғамдық денсаулық сақтау басқармасына сілтеме жасап.

Күйзеліс кезінде ағзаның ең осал тұсы - жүрек-қантамыр жүйесіне зақым келеді. Бұл туралы Алматы Қалалық кардиологиялық орталығының кардиологы Ғалия Уменова айтып берді.

Дәрігердің айтуынша, депрессия созылмалы стреспен бірге жүреді, бұл стресс гормоны кортизол деңгейінің жоғарылауына әкеледі.

- Кортизолдың үнемі жоғары деңгейі гипертонияға, қан тамырларының қабынуына және қан ұйығыштарының пайда болу қаупінің жоғарылауына әкелуі мүмкін,- деп атап өтті ол.

Сонымен қатар, күйзеліс симпатикалық жүйке жүйесін белсендіреді, бұл жүрек соғу жиілігінің және қан қысымының жоғарылауына әкеледі, жүрек пен қан тамырларына жүктеме артады, бұл өз кезегінде жүрек-қан тамырлары ауруларының дамуына  әкеледі.

Сондай-ақ, депрессиямен ауыратын адамдар жиі жүріс-тұрысы аз өмір салтын, нашар тамақтану әдеттері бар ұстанып шамадан тыс, алкогольді ішімдік ішіп, темекі шегуі  мүмкін. Бұл факторлар жүрек-қан тамырлары ауруларының қаупін едәуір арттырады, атап айтқанда атеросклерозға, кардиомиопатияға немесе такоцубо синдромына - бұл жағдай "сынған жүрек синдромы" деп аталады, сонымен қатар миокард инфарктісі мен инсультке әкелуі мүмкін.

Кардиолог күйзеліс кезінде психотерапевтен немесе психологтан уақтылы көмек сұрауға кеңес береді. Когнитивті мінез-құлық терапиясы және басқа психотерапия әдістері депрессиямен ауыратын науқастардың жағдайын айтарлықтай жақсартады және жүрек-қан тамырлары ауруының асқыну қаупін азайтады.

Оқи отырыңыз: Бөдене жұмыртқасы қан қысымын төмендетеді