Меншікті өндіріс
Біз әлеуметтік желілердеміз
Шымкентте жасөспірім қыздың бауырынан 9 см құрт шықты
Дәрігерлер пациентті компьютерлік томографияға түсірген
Шымкентте 14 жастағы қыздың бауырынан 9 см эхинококк құрты алынды, деп хабарлайды Almaty.tv тілшісі Stan.kz-ке сілтеме жасап.
Жасөспірім 21 тамыз ауыр халде Шымкент қаласындағы балалар ауруханасының қабылдау бөліміне түскен.
Дәрігерлер пациентті компьютерлік томографияға түсіріп, бауыр тұсынан эхинококк кистасын анықтаған соң, жедел түрде науқасқа ота жасалды.
"Баланың бауырына лапароскопия аппаратымен тіліксіз ота жасалды. Ішінен 9,4 см және 8,1 см көлемді эхинококк құрты шықты. Науқас отадан кейін жан сақтау бөлімінде бақылауда болып, келесі күні палатаға ауыстырылды. Отаға аурухананың білікті балалар хирург дәрігерлері Ержан Байдуллаев, Қайрат Ізбасов, Асанбай Құрманалиев және Гүлжан Айдинова қатысты. Науқастың қазіргі жағдайы жақсы", – делінген Шымкент қалалық денсаулық сақтау басқармасының хабарламасында.