Меншікті өндіріс
Біз әлеуметтік желілердеміз
Дәрігер Айна Бакеева сот үкімімен 10 тәулікке қамалды
Сот үкімін Шымкент қаласының полиция департаменті орындайды
Нұр-Сұлтан қаласының әкімшілік істер бойынша мамандандырылған ауданаралық соты Айна Бакееваға қатысты үкім шығарды, деп хабарлайды Almaty.tv.
«Дәрігер Әкімшілік құқық бұзу кодексінің 434-бабы 1-бөлімімен (ұсақ бұзақылық) кінәлі деп танылып, 10 тәулікке қамауға алынған. Сот үкімін Шымкент қаласының полиция департаменті орындайды. Шешім заңды күшіне енген жоқ», – делінген қалалық соттың баспасөз қызметінде.
Еске сала кетейік, екі күн бұрын желіде астанадағы №58 мектепте 3-сынып оқушысына дәретханада жасырын вакцина салынғаны туралы видео тараған еді.
Видеодан Айна Бакееваның жанындағы әйелдермен бірге мектепке баса-көктеп кіргенін көруге болады.
Онда балаларға ата-анасына айтпай вакцина салынып жатқаны сөз болады. Кейіннен мектеп басшылығы мен баланың анасы ондай жағдайдың болмағанын, видеоның провокация екенін мәлімдеді.