1 наурыздан бастап қандай көліктерге уақытша шектеу қойылады

"ҚазАвтоЖол" ҰК" АҚ 2025 жылғы көктемгі кезеңде уақытша жүрісті шектеудің жыл сайынғы қолданылу мерзімдеріне сәйкес жеке білікке түсетін жүктемесі 8 тоннадан артық автокөлік құралдарының жүрісіне шектеу енгізілетінін айтты, деп хабарлайды Almaty.tv.

ҚР Индустрия және инфрақұрылымдық даму министрінің 2023 жылғы 5 шілдедегі №492 бұйрығының 19 тармағына сәйкес, республикалық автожолдарды қысқы мезгілден кейін сақтау мақсатында 2025 жылғы 1 наурыздан бастап 1 сәуірге дейін "бесінші жол климаттық аймаққа" жататын келесі сегіз облыста шектеу енгізіледі:

• Алматы облысы
• Атырау облысы
• Жамбыл облысы
• Ұлытау облысы
• Қызылорда облысы
• Маңғыстау облысы
• Жетісу облысы
• Түркістан облысы

Алайда келесі автокөліктердің түрлеріне бұл шектеулер қолданылмайды:

• халықаралық жүк және жолаушылар тасымалына;
• төтенше жағдайлар мен олардың салдарын алдын алу және оларды жою жөніндегі іс-шараларды жүзеге асыратын көліктерге;
• гуманитарлық көмек көрсететін, азық-түліктерді, дәрі-дәрмектерді, жолаушылар мен багаж тасымалын жүзеге асыратын көліктерге;
• жол-құрылыс жұмыстарына пайдаланылатын көліктерге.