Алтайдағы лагерьде балалар уланып қалды

Алтайдағы «Горный Орленок» балалар лагерінде 69 адам уланып қалды. Бұл туралы облыстық Денсаулық сақтау министрлігінен мәлім етті, деп хабарлайды Almaty.tv тілшісі ҚазАқпаратқа сілтеме жасап.

26-29 шілде аралығында 7 мен 17 жастағы балалардан ішек инфекциясынан уланудың 67 оқиғасы тіркелді. Лагерьде барлығы 354 бала демалған.

«Республиканың Шебалы ауданында орналасқан балалар лагерінде 67 бала мен 2 ересек адамнан асқазан-ішек аурулары тіркелді», - деді министрліктегілер.

Медицина қызметкерлері лагерьде демалған балалардың бәрін тексерді. 29 шілде күні кешке жаңа жағдай анықталған жоқ.

Зардап шеккендерге қажетті медициналық көмек көрсетілді. Олар аурудың жеңіл түріне шалдыққан. Науқастарды бақылау мақсатында уақытша оқшаулау туралы шешім қабылданды. Олар аудандық аурухананың инфекциялық бөлімдеріне және ЖИТС орталығына орналастырылған.

Лагерь жұмысын тоқтату мәселесі қаралып жатыр. Тергеу комитеті Ресей Федерациясы Қылмыстық кодексінің 238-бабы («Тұтынушылардың өмірі мен денсаулығының қауіпсіздігі талаптарына сәйкес келмейтін қызметтерді көрсету») бойынша қылмыстық іс қозғады.

Лагерьде балалардың қауіпсіздігіне жауапты білім беру ұйымы лауазымды тұлғаларының әрекетіне баға беріледі.