Меншікті өндіріс
Біз әлеуметтік желілердеміз
Америкада ерлі-зайыптылар қазақтың киіз үйін заманауи үлгіде жасатты
Жаңа бейнедегі киіз үй соңғы жасаған архитектуралық туындыларының бірі болып отыр
Қазақтың киіз үйі АҚШ-та. Қазақ үйді қымбат жабдықтармен Орегон қаласындағы Зак пен Николь атты ерлі-зайыптылар жасапты. Олар ежелден сақталып келе жатқан қазақи үйдің дизайнына сәл өзгертулер енгізіп, заманауи үлгідегі киіз үйге айналдырған, деп хабарлайды Аlmaty.tv тілшісі.
Американдық жұп өздерінің youtube каналындағы блогында әртүрлі өзге үйлер жайлы да ақпарат беріп келген екен. Жаңа бейнедегі киіз үй соңғы жасаған архитектуралық туындыларының бірі болып отыр. Ең қызығы, жаңа дизайндағы киіз үйдің шаңырағы шыныдан жасалып, терезесінде кереге түрінде тор қойылған. Едені ағаштан жасалған қазақ үйдің кіреберісі де ерекше дизайнмен сәнделген. Үйдің ішінде жайлы өмір сүруге арналған барлық жабдықтар қамтылған. Өнерлі жұптың осы идеясы көпшілікке ұнап, жоғары бағаланған еді.