Елорда күнінде мерекелік отшашу болмайды

Биыл елорда күніне орай Нұр-Сұлтан қаласында шамамен 108 іс-шара өтеді, оның 80-нен астамы тегін, деп хабарлайды қала әкімдігінің сайты.

Атап өтер жайт, биылғы бағдарлама әлеуметтік бағытта болады және көрермен кɵп қатысады деп жоспарланып отыр. Сондай-ақ, астана күнін мерекелеу аясында өтетін ақылы концерттер мен театрландырылған қойылымдардың билетін сатудан түскен қаржы қайырымдылық мақсаттарға жұмсалады. Концерт ұйымдастырушылары билет сатудан түскен қаржы Арыс қаласының зардап шеккен тұрғындарына арналған көмек қорының шотына аударылатын болады.

Бұл бағытта 29 маусым күні  болған «Астана Арена» стадионында өткен Димаш Құдайбергеннiң «Арнау» атты жеке концерті, аты аңызға айналған мәскеулік «Современник» театрының гастролі, Тұрсынбек Қабатовтың «КТА» жобасы, және тағы басқаларын атап өтуге болады.

Сонымен қатар, қала күні аясында Есіл өзенінің жағалауында, Абылай хан даңғылы мен Пушкин көшесінің қиылысындағы саябақта, «Хан Шатыр» сауда-ойын-сауық орталығының аумағында жоспарланған мерекелік отшашу ɵтпейтiн болды. Нұр-Сұлтан қаласы әкімдігінің бастамасын мерекелік салют демеушілері қолдап, арнайы қарастырылған қаржыны Арыс қаласының зардап шеккен тұрғындарына көмек көрсету қорына аудармақ.