«Халықтың бюджетке қатысуы»: Әуезов ауданында 23 жобаның құрылысы басталды

Әуезов ауданында 2019 жылдан «Халықтың бюджетке қатысуы» бағдарламасы аясында 26 жоба жүзеге асқан, деп хабарлайды Almaty.tv.

Басым бөлігі – балаларға арналған спорт және ойын алаңдары. Сондай-ақ бүгінде аталмыш бағдарламаның арқасында тағы 23 жобаның құрылысы басталып, қыркүйек айының соңына дейін пайдалануға беріледі деп жоспарланып отыр.

«Аталған 23 жоба аясында 7 кішігірім саябақ, 2 газон суару жүйесі, кіші саябақтарда балаларға арналған алаңдар пайда болады», – деді Әуезов ауданы әкімі аппаратының басшысы Дәурен Халықов.

Ойын алаңдарының ашылуын бәрінен бұрын балалар асыға күтіп жүр. Олардың айтуынша, жазғы демалысты көңілді әрі пайдалы іспен шұғылданбақ.

«Осы алаңның салынып жатқанына өте қуаныштымыз. Өзге тұрғын үй алаңында ойнайтын жер бар.  Бірақ бала көп. Сондықтан, өз ауламызда ойын алаңы болғаны жақсы», – деді   қала тұрғыны Нұрәли Жұмахан