ІІМ: Қауіпсіз жерге эвакуацияланған адамдардың саны үш мыңға жетті

Жамбыл облысының полиция қызметкерлері жарылыстың салдарын жою үшін тәулік бойы жұмыс істеп жатыр, деп хабарлайды Almaty.tv тілшісі Sputnik сайтына сілтеме жасап.

«Барлығы 7 рейс жасалды, 3 мыңға жуық адам тасымалданды. Жарылыс болған аумаққа баратын жолдар әлі жабық тұр, арнайы қызметтің автокөліктері ғана кіре алады», – делінген ішкі істер министрлігінің хабарламасында.

Оқиға орнында жедел әрекет ететін арнайы жасақ, саперлер мен кинологтар жұмыс істеп жатыр. Өнеркәсіптік, сауда және тұрғын үй нысандары тексерілуде.