Алматыда Арман Жүдебаевтың шығармашық кеші өтті

Алматыдағы Жамбыл атындағы Қазақ мемлекеттік академиялық филармониясында Қазақстанның еңбек сіңірген қайраткері, күйші, дирижер Арман Жүдебаевтың шығармашық кеші өтті, деп хабарлайды Almaty.tv.

Мерекелік іс-шара Құрманғазы атындағы Қазақ ұлттық халық аспаптар оркестрінің 90 жылдығына орай ұйымдастырылған. Кеште домбырадан бөлек, үлкен оркестрдің сүйемелдеуімен ғасырлық тарихы бар күйлер орындалды.

"Қолындағы қара домбырасы күмбірлеп, еңбегінің қызығын көрген Арман жас та болса, бас болып жүр. Күйшілік өнерінің үлкен көшін, қамытын киіп үлес қосып жүрген бауырымызға әрқашан ақ жол тілегім келеді!" – деді азақстанның халық әртісі Рамазан Стамғазиев.      

"Өнер, шығармашылық адамы болғаннан кейін, халық алдында есеп беру – міндет. Концертке дайындық өте күрделі болды. Оркестрде, шығармашылық кешіме қатысатын әртістер де, сақадай сай дайын, халықтың көңілінен шығады деп ойлаймын", – деді күйші, дирижер Арман Жүдебаев.             

Оқи отырыңыз: Жалпыға ортақ декларация: табысы мен мүлкі туралы есепті кімдер бермейді