Алматыда құтқарушылар өрт кезінде 8 адамды құтқарды

Алматыда өрт кезінде 8 адам құтқарылды, деп хабарлайды Almaty.tv ҚР ТЖМ баспасөз қызметіне сілтеме жасап.

Түрксіб ауданында Баймағамбетов көшесінің бойындағы жеке тұрғын үйдің аумағында азық-түлік дүкені жанып, өрт үйдің шатырына тараған.

Өрт уақытша құрылыстан шығатын жолды кесіп тастағандықтан, тұрғындар шыға алмаған.

"Өрт сөндірушілер уақытша құрылыстың 8 тұрғынын құтқарды. Өрт 80 ш.м. алаңда сөндірілді. Зардап шеккендер жоқ", - делінген хабарламада.

ТЖМ өкілдері төтенше жағдай туындаған кезде 112 нөміріне хабарласу керек екенін ескертеді.

Оқи отырыңыз: Астанада 25 жолаушы отырған автобус апатқа ұшырады