Алматыда наурыздан бастап қандай кезекші ХҚКО жұмыс істейді

«Азаматтарға арналған үкімет» мемлекеттік корпорациясының Алматы филиалы наурыздан бастап кестеге сәйкес қалада үш кезекші халыққа қызмет көрсету орталығы болады, деп хабарлайды Almaty.tv.

Олар: Нұркент ықшамауданы, 5/17 мекенжайындағы Алатау аудандық ХҚКО, Бөгенбай батыр көшесі, 221 мекенжайында орналасқан Алмалы аудандық ХҚКО және «Алмагүл» шағын ауданы, Ходжанова көшесі, 9а мекенжайы бойынша орналасқан Бостандық аудандық ХҚКО. Бұл орталықтар азаматтарды 9:00 — 20:00 аралығында, ал сенбі күндері 13:00–ге дейін қабылдайтын болады. 

Сондай-ақ азаматтарды Аққайнар көшесі, 1 және Ақсуат көшесі, 118 мекенжайы бойынша орналасқан екі мамандандырылған халыққа қызмет көрсету орталығы қабылдайды.

Қаланың қалған ХҚКО-лары әдеттегі кесте бойынша дүйсенбі мен жұма аралығында 9:00–ден 18:00–ге дейін жұмыс істейді.

Кезекші халыққа қызмет көрсету орталықтары 3 ай сайын ауысып отырады.

Оқи отырыңыз: ҚР азаматтығын алуға үміткерлердің өтініші қашан қабылданады