Меншікті өндіріс
Біз әлеуметтік желілердеміз
Алматыда такси жүргізушілерін алдаған алаяқ ұсталды
Оның әрекетінен зардап шеккендердің көбі – такси жүргізушілері
Алматыда полиция алаяқты құрықтады, деп хабарлайды Аlmaty.tv тілшісі Polisia.kz-ке сілтеме жасап.
Тәртіп сақшыларының айтуынша, 32 жастағы ер адам көшеде өтіп бара жатқан адамдарға жақындап, қоңырау шалу үшін телефон сұраған, содан кейін ол белгісіз бағытта жоғалып кеткен.
Зардап шеккендердің көбі – такси жүргізушілері. Маршруттың соңына таман адамдардан телефон сұрап, сонымен бірге кетіп қалған.
– Жедел-іздестіру шаралары барысында күдікті ұсталды және қамауға алынды. Қазір оның бірқатар алаяқтыққа қатысы бар екені белгілі болды. Егер бұл алдау тізбегі таныс болса, азаматтарды біздің бөлімшеге хабарлауға шақырамыз, – деді Түрксіб аудандық полиция басқармасының бастығы Еркін Амантаев.
Оқи отырыңыз: Қарағандыда адам азаптады деп айыпталған түрме қызметкері сотталды