Арқалықта блогер бірнеше адамды зорлады деген күдікпен ұсталды

Арқалықта 35 жастағы ер адам зорлау және жыныстық сипаттағы әрекеттер жасады деген күдікпен жедел-іздестіру іс-шаралары кезінде ұсталды, деп хабарлайды Аlmaty.tv.

Қостанай облысының Полиция департаменті жәбірленушілер арасында кәмелетке толмағандар жоқ екенін хабарлады.

«Алдын ала мәліметтер бойынша, кейбір құрбандар ер адамнан қарызға ақша алған және қарызын қайтара алмаған кезде күдікті жыныстық қатынасты талап еткен. Жәбірленушілер бас тартқан кезде, ол олардың еркінен тыс жыныстық қатынасқа түскен», - делінген облыстық ПД хабарламасында.

Сот санкциясы бойынша күдікті қамауға алынды.

Қазіргі уақытта тергеп-тексеру әрекеттері жалғасуда, қажетті сараптамалар тағайындалды.

«Бірнеше рет қылмыс жасағаны үшін ер адам 9 жылдан 12 жылға дейін бас бостандығынан айыру жазасына кесілуі мүмкін», - делінген хабарламада.

Тергеу мүддесі үшін қосымша ақпарат жария етілмейді.

Оқи отырыңыз: Павлодар облысында мұғалім жетім балаға арналған пәтерде заңсыз тұрып келген