Былтыр күзетшілер 17 қылмыс жасаған

02.04.2025 12:58

Күзетші де қылмыс жасаса, кез келген азамат сияқты әкімшілік немесе қылмыстық жауапкершілік арқалайды

Rayner Simpson/unsplash.com/

Ішкі істер министрінің орынбасары Игорь Лепеха күзетшілердің қолымен жасалған қылмыстардың статистикасын атады, деп хабарлайды Almaty.tv тілшісі ҚазАқпаратқа сілтеме жасап.

Күзет қызметін жетілдіруге арналған заң жобасын талқылау кезінде депутат Аманжол Әлтай күзетшілерден зардап шеккен тұрғындардың көбейіп кеткенін мәселе етіп көтерді.

Игорь Лепеха ондай фактіге жол берген күзетшілер заң аясында тиісті жазасын алып жатқанына сендірді.

"Бүгінгі таңда біздегі күзет ұйымдарының штатында 95 мың күзетші есепте тұр. 2023 жылы күзетшілердің қолымен 18 қылмыс жасалды. 2024 жылы 17 қылмыс тіркелген. Яғни, қылмыстың санын күзетшілердің санына бөліп қарасақ, соншалықты жоғары емес. Күзетші де қылмыс жасаса, кез келген азамат сияқты әкімшілік немесе қылмыстық жауапкершілік арқалайды, - деді министрдің орынбасары.

Оқи отырыңыз: Қазақстанда 2025 жылы қанша адам әскери жиынға шақырылады

 

Алдыңғы жаңалық
Еліміздің барлық өңірінде алғашқы қоңырау соғылды
Келесі жаңалық
Президент отандық тауар өндірушілердің бірыңғай реестрін құруды тапсырды