Домбырадағы орындаушылық өнер тарихы: Алматыда шертпе күйдің өзекті мәселелері талқыланды

Алматыда «Қазіргі заманғы шертпе күй орындаушылық өнеріндегі өзекті мәселелер» атауымен дөңгелек үстел форматында жиын өтті, деп хабарлайды Almaty.tv.

Іс-шара Қазақстанның еңбек сіңірген қайраткері, Құрманғазы атындағы қазақ ұлттық консерваториясының профессоры, белгілі күйші Біләл Ысқақтың 70 жылдық мерейтойына орай ұйымдастырылған.

Басқосуда сала мамандары шертпе күйдегі өзекті мәселелерді талдап, Біләл Алпанұлының шығармашылығына тоқталды. Сондай-ақ «Домбырадағы орындаушылық өнер тарихы» атты кітаптың тұсаукесер рәсімін өткізді.

Еске салайық, Біләл Ысқақ 20-дан аса оқу құралының авторы әрі ол мыңға жуық көне күйді нотаға түсіріп, баспадан шығарған.

 «Бәкең – керемет домбырашы, күйші. Ол – екі жүзден астам шәкірт дайындаған ұстаз. Асылбек бастаған шәкірттерінің өзі елге белгілі күйші. Оның үстіне Бәкең – музыка теориясын зерттеген ғалым», – деді ҚР мәдениет қайраткері Абдулхамит Райымбергенов.

Оқи отырыңыз: Журналист болғың келе ме: Алматыда жас тілшілер форумы өтті