eGov.kz жүйесі неге істен шықты - министрлік жауабы

Елімізде бірінші сыныпқа құжат қабылдау басталды. Бірақ ата-аналар өтініш бере бастағанда, eGov.kz жүйесі істен шығып, техникалық ақауға тап болған, деп хабарлайды Almaty.tv.

Дәл осы сәтте Үкіметте Цифрлық даму министрі Жаслан Мәдиев «Оқу-ағарту министрлігімен бірлесіп, мектепке қабылдау кезінде қағазбастылықты толық жойдық» деп есеп беріп жатқан еді. Жүйенің неліктен істемей қалғанын Цифрлық даму вице-министрі түсіндірді. Оның айтуынша, электрондық үкімет платформасындағы ақау қызметті пайдаланушылардың тым көп болуымен байланысты. Қазір оның жұмысы қалпына келтірілген.

 «Аз уақытта платформа қалпына келтірілді. Негізі құжат қабылдау қызметін сағат үште іске қосу жоспарланған болатын. Сәйкесінше, сол уақытта портал қалыпты жұмыс істейді.

Айта кетейік, eGov.kz – азаматтардың электрондық үкіметпен байланысуына арналған терезе іспетті жүйе. Оның артында барлық мемлекеттік органдардың ақпараттық жүйелерімен біріктірілген 2000-нан астам интеграциялық сервис бар. Осы сервистердің біреуі істемей қалса, онымен байланысты барлық қызметтер де уақытша қолжетімсіз болады», – деді ҚР Цифрлық даму, инновациялар және аэроғарыш өнеркәсібі вице-министрі Ростислав Коняшкин.

Оқи отырыңыз: Көктөбедегі жаңа соқпақ алматылықтарды таңқалдырды