IT саласының драйверлері: Қазақстанның цифрландыру күніне орай форум өтеді

2024 жылғы 23 қарашада сағат 09:30-дан 15:00-ге дейін Қазақстанның цифрландыру күніне арналған іс-шара өтеді, деп хабарлайды Almaty.tv тілшісі Цифрлық даму, инновациялар және аэроғарыш өнеркәсібі министрлігіне сілтеме жасап.

Шараға 300-ден астам IT саласының өкілдері, соның ішінде мемлекеттік органдар, инвесторлар, жекекәсіпкерлер және стартаптар қатысады.  

«Инновациялар мен адами капитал – IT саласының драйверлері» форумы Activation Hub алаңында өтеді.

Бағдарламада:

Іс-шарада сөз сөйлейтіндер – Қазақстан Республикасы Цифрлық даму, инновациялар және аэроғарыш өнеркәсібі министрлігінің, Алматы қаласы әкімдігінің, Мәжілістің өкілдері, сондай-ақ венчурлық инвесторлар мен IT компаниялардың мамандары.  

Форумның негізгі тақырыптары:

- Қазақстан жастары үшін жасанды интеллект құралдары мен жобалары;  

- Ақпараттық қауіпсіздік және жастар арасындағы киберқылмысқа қарсы іс-қимыл;  

- Технологиялық кәсіпкерліктің ерекшеліктері және басқа да маңызды мәселелер.  

Форумды ұйымдастыруда ҚР Цифрлық даму министрлігі, Алматы қаласы әкімдігі және басқа серіктестер қолдау көрсетеді.  

Qazaq IT Community – Қазақстандағы ең ірі IT мамандарының қауымдастығы, құрамында 4 300-ден астамIT саласының өкілдері бар. Қауымдастық қатысушылар үшін тегін іс-шаралар, соның ішінде техникалық және тақырыптық митаптар, тауға серуендер және басқа да шаралар ұйымдастырады.  

Оқи отырыңыз:Бірыңғай QR код: Қазақстандағы банктер бірігетін төлем жүйесінің қандай пайдасы бар