Каспий су айдынында 20 браконьерлік деректің жолы кесілді - ҰҚК

ҰҚК Шекара қызметі Мемлекеттік шекараны күзету мен қорғауды қамтамасыз ету аясында 2025 жылғы наурызда құзырлы органдармен өзара әрекеттесе отырып жүргізген іс-қимыл нәтижесінде ҚР заңнамасын бұзған 3 429 адам, оның ішінде 2 995 шетелдік азамат жауапқа тартылғанын мәлімдеді, деп хабарлайды Аlmaty.tv ведомствоның баспасөз қызметіне сілтеме жасап.

ҰҚК өкілдері мәлім еткендей, мемлекеттік шекара арқылы заңсыз өтудің 1 248 фактісінің алды алынды, оның ішінде:

• 27 дерек – есірткі заттары, оның ішінде көлемі – 750 литр прекурсор;
• 76 дерек – қарулар мен оқ-дәрілер;
• 656 дерек – жалпы сомасы 14,5 млн теңгеден асатын жанар-жағармай материалдары (54 000 литрден астам);
• 731 дерек – жалпы сомасы 3,1 млрд теңгеден асатын халық тұтыну тауарлары;
• 157 дерек – жалпы сомасы 2,8 млрд теңгеден астам шетел валютасы.

Каспий жағалауындағы аймақта экологиялық қауіпсіздікті қамтамасыз ету мақсатында көрсетілген кезеңде Каспий су айдынында браконьерліктің 20 фактісінің жолы кесілді.

Табиғи мекендеу ортасына Қызыл кітапқа енгізілген бекіре тұқымдас балықтардың 89 данасы (508 кг) және 7 бас каспий итбалығы жіберілді.

Заңсыз балық аулау құралдары, оның ішінде 10 дана жүзу құралы, 22,9 км торды құрайтын браконьерлік аулау құралдары тәркіленді. Алынған залал сомасы 205 млн теңгені құрайды.

Бұл фактілер бойынша материалдар бұзушыларды жауапкершілікке тарту үшін құқық қорғау және сот органдарына жіберілді.

Оқи отырыңыз: Қарағандыда жатақханадан өрт шығып, 10 студент ауруханаға түсті