Халық үніне құлақ асатын мемлекет: Алматыда кәсіпкерлермен кездесу өтті

Қаржы министрлігіне қарасты Ішкі мемлекеттік аудит комитетінің төрағасы Ержан Мыңжасаров Алматы кәсіпкерлерімен кездесіп, ашық диалог жүргізді, деп хабарлайды Almaty.tv.

Іс-шара «Халық үніне құлақ асатын мемлекет» тұжырымдамасының негізінде өтті. Кездесу барысында алматылықтар мемлекеттік сатып алу жүйесіндегі өзгерістер, аудит жұмысындағы цифрлы технологиялардың артықшылықтары мен аудиторлық тексерулер жөнінде мәлімет алды. Комитет төрағасы «Халық үніне құлақ асатын мемлекет» тұжырымдамасының қағидаттары мемлекеттік басқару жүйесінің сапасын арттыруда маңызды тетік екенін атап өтті.

 «Бүгін Президенттің тапсырмасы негізінде халықпен кездестік. Тұрғындармен ашық диалог жүргізуге әрқашан дайынбыз. Халықтың мемлекеттік басқару жұмыстарына белсенді қатысып, бізге сенім артқанын қалаймыз. Кездесуге кәсіпкерлер мен «Атамекен» палатасының өкілдері қатысты. Тұрғындарды толғандырған сұрақтарға толығымен жауап бердік деп ойлаймын», – деді ҚР ҚМ Ішкі мемлекеттік аудит комитетінің төрағасы Ержан Мыңжасаров.

Оқи отырыңыз: Мәжілісмен жеңілдетілген салық режимін сақтап қалуды ұсынды