Қылмыстық топ бағалы металдардың заңсыз айналымын жүзеге асырған

Бағалы металдардың заңсыз айналымымен айналысқан ұйымдасқан қылмыстық топ құрықталды, деп хабарлайды Almaty.tv тілшісі Polisia.kz-ке сілтеме жасап.

Көліктегі полиция департаментінің қызметкерлері Қазақстан мен ТМД елдерінің азаматтарынан құралған 12 адамнан тұратын ұйымдасқан қылмыстық топтың жолын кесті.

Соталды тергеу барысында күдіктілер ел аумағында құрамында алтын бар кенді заңсыз өндіру, оны кейіннен балқыту, контрафактілік зергерлік бұйымдарды дайындау және өткізу арқылы бағалы металдардың заңсыз айналымын ұйымдастырғаны анықталды.

"4 желтоқсанда Астана қаласының қылмыстық істер жөніндегі мамандандырылған ауданаралық сотының шешімімен ҰҚТ басшылары мен қатысушыларының мүлкі тәркіленіп, 3 жылдан 11 жылға дейінгі мерзімге бас бостандығынан айырылды", - деп жазылған хабарламада. 

Сотталғандар мемлекетке 250 млн теңгеден аса сомадағы келтірілген залалды өтеуге міндетті.

Үкім заңды күшіне енген жоқ.

Оқи отырыңыз: Алматыда жол ережесін бұзған көлік жүргізушісі ұсталды