Меншікті өндіріс
Біз әлеуметтік желілердеміз
Маңғыстауда жантүршігерлік жол апатынан 4 адам қаза тапты
Жеңіл көлік жүк көлігімен соқтығысқан
Маңғыстау облысындағы Бейнеу-Сайөтес тасжолында жантүршігерлік жол апаты болып, 4 адам қаза тапты, деп хабарлайды Аlmaty.tv тілшісі Lada.kz-ке сілтеме жасап.
Полиция дерегінше, Toyota Camry мен КамАЗ жүк көлігі соқтығысқан.
"Апат салдарынан жеңіл көліктің төрт жолаушысы оқиға орнында қаза тапты. Toyota Camry жүргізушісі дене жарақатымен Бейнеу аудандық ауруханасына жеткізілді, қазір оған медициналық көмек көрсетілуде. КамАЗ жүргізушісі жарақаты болмағандықтан медициналық көмекке мұқтаж болмады", - деп хабарлады облыстық полиция департаменті.
Жол-көлік оқиғасы бойынша ҚР Қылмыстық кодексінің 345-бабы (Абайсызда екі немесе одан да көп адамның өліміне әкеп соққан жол қозғалысы немесе көлік құралдарын пайдалану ережелерін бұзу) бойынша сотқа дейінгі тергеу басталды.
Оқиғаның барлық мән-жайы анықталып жатыр.
Оқи отырыңыз: Жетісу облысында жантүршігерлік жол апатынан 4 адам қаза тапты