Шымкент, Тянь-Шань, Қапшағай: елімізде жер-су атауын иеленген қанша тұрғын бар

Ұлттық статистика бюросының мәліметі бойынша елімізде әйгілі жер-су аттарын баласына қоятын жайттар жиі кездеседі. Солардың ішіндегі ең танымал дегендері қандай екенін біле жүріңіз, деп хабарлайды Almaty.tv тілшісі Kazinform-ға сілтеме жасап.

Айта кету керек, бұл жерде жер-су атауына қазақ халқының есім қоюдағы ерекше дәстүрі – «бек», «бай», «бол» қосымшалары жалғанған есімдер (Аралбай, Алтайбек деген сияқты) мен жер-су атауының бір бөлшегіне «бек», «бай», «бол» қосымшаларын жалғау арқылы жасалған аттар (Сырбай, Арқабек сияқты), идеология сарынымен кейін жер-суға телінген есімдер (Жамбыл, Абай, сияқты), жер-су атауын ғана білдіріп қоймайтын, басқа да мағынасы бар (Шалқар, Бекет, Торғай деген сияқты) омоним атаулар есепке алынған жоқ. Сондай-ақ жер-су аттарын іріктеген кезде қандай да бір өңірге басымдық бермей, ел арасында ең көп тараған жалқы атауларға көңіл бөлдік.

Сонымен адамға ең көп аты берілген әйгілі топонимикалардың рейтингі мынандай:

• Алтай – 4957 адам;
• Жайық – 645 адам;
• Есіл – 438 адам;
• Арал – 275 адам;
• Талас – 263 адам;
• Ертіс – 164 адам;
• Бурабай – 78 адам;
• Алатау – 39 адам;
• Маңғыстау – 38 адам;
• Балқаш – 32 адам;
• Семей – 27 адам;
• Астана – 24 адам;
• Алматы – 20 адам;
• Атырау – 15 адам;
• Каспий – 14 адам;
• Тараз – 14 адам;
• Зайсан – 13 адам;
• Ақтау – 11 адам;
• Түркістан – 10 адам;
• Сырдария – 4 адам;
• Қарқаралы – 4 адам;
• Тянь-Шань – 4 адам;
• Сарыарқа – 3 адам;
• Шымкент – 3 адам;
• Қазығұрт – 3 адам;
• Ұлытау – 2 адам;
• Қаратау – 2 адам;
• Отпан – 2 адам;
• Ақмешіт – 2 адам;
• Жетісу – 1 адам;
• Іле – 1 адам;
• Қапшағай – 1 адам;
• Өскемен – 1 адам;
• Мекке – 58 адам.

Бұған дейін биыл сәбилерге қойылған ең танымал есімдер туралы жазған болатынбыз.

Оқи отырыңыз: Күнә жуатын жаңбыр және Құранда айтылған жалғыз ай: Рамазан туралы қызықты деректер