Шымкентте үндістандық студент қайтыс болды

Шымкентте үндістандық студент қайтыс болды, деп хабарлайды Almaty.tv.

Ол қаладағы медициналық академияда білім алып жүрген. Кей деректерде, азаматтың жаттығудан кейін оқу орнында көз жұмғаны айтылған. Дегенмен бұл ақпарат расталмады. Кейіннен шетелдіктің өз пәтерінде, жүрек талмасынан қайтыс болғаны белгілі болды.

 «Ер адамның өлімі бойынша қылмыстық іс қозғалды. Мәйіттен зорлық-зомбылық белгілері анықталған жоқ. Сот-медициналық сараптама тағайындалды. Қазіргі таңда оқиғаның мән-жайы анықталып жатыр», – деді Полиция департаментінің баспасөз қызметі.  

Айта кетейік, 21 жастағы шетел азаматының ата-анасы Қазақстанға келді. Ал университет мәйітті Үндістанға жеткізу шығындарын мойнына алатынын хабарлады.