Ұлттық бірлік пен қоғамдық келісімді нығайту - ортақ міндет

«Мемлекет басшысының Ұлттық Құрылтайда көтерген мәселелерін республиканың түкпір-түкпіріндегі жұртқа жеткізу – маңызды жұмыс». Бұл туралы Қазақстан ұйғырлары этномәдени орталығының төрағасы Долкунтай Абдулхалил Алматыдағы Ішкі істер министрлігі академиясында өткен басқосуда айтты, деп хабарлайды Almaty.tv.

Спорт шеберлері Қанат Ислам, Назым Қызайбай мен Алуа Балқыбекова курсанттарға кеңесін айтып, Қазақстан Халқы Ассамблеясының өкілдері Құрылтайда айтылған маңызды мәселелерге тоқталды. Одан соң жастар өздерін толғандырған сұрақтарға жауап алды

 «Бауыржан атамыз «Тәртіпсіз ел болмас, тәртіпке бағынған құл болмас» дейді.  Қазақстандағы әрбір ұлт өкілі тәртіпке бағынатын болса, алдымызға й мақсатқа тез жетеміз», – деді Қазақстан ұйғырлары этномәдени орталығының төрағасы Долкунтай Абдулхалил.

 «Татулық – табылмас бақыт» дейді ғой халық даналығында, сол себепті осындай кездесулер курсантардың рухани дамуына және елге адал қызмет етуіне ықпал етеді. Ұлттық бірлік пен қоғамдық келісімді нығайту бәріміздің ортақ міндетіміз деп ойлаймын», – деді ҚР ІІМ академиясы Идеология және имидждік жұмыс мамандарын даярлау орталығының бастығы Айнұр Тен.

Оқи отырыңыз: Жамбыл облысында 140-тан аса ветеринар неге жұмыссыз қалды