Бүгін еліміз бойынша тұман түсіп, жел күшейеді, көктайғақ болады

"Қазгидромет" РМК синоптиктері ертең, 20 қарашада елдің 12 өңірінде қолайсыз ауа райына байланысты ескерту жасады, деп хабарлайды Almaty.tv.

Алматы облысының таулы аудандарында кей уақытта қатты жауын-шашын (көбінесе қар) күтіледі. Облыстың оңтүстігінде, таулы аудандарында кей уақытта тұман түседі.

Алматыда түнде және таңертең тұман түседі.

Ұлытау облысының солтүстігінде, шығысында тұман күтіледі. Солтүстік-батыстан соғатын жел шығысқа ауысады, күндіз облыстың оңтүстігінде екпіні 18 м/с жетеді.

Батыс Қазақстан облысының батысында көктайғақ болады. Түнде және таңертең облыстың солтүстігінде, шығысында тұман күтіледі. Шығыстан, оңтүстік-шығыстан жел соғады, түнде облыстың батысында 15-20 м/с, күндіз облыстың басым бөлігінде 15-20, облыстың оңтүстігінде екпіні 23 м/с жетеді.

Ақмола облысының оңтүстігінде, шығысында тұман түседі.

Солтүстік Қазақстан облысының батысында, оңтүстігінде тұман түседі. Оңтүстік-батыстан жел соғады, түнде облыстың шығысында екпіні 15-20 м/с жетеді.

Ақтөбе облысының батысында, солтүстігінде көктайғақ болады. Түнде облыстың солтүстігінде тұман түседі. Оңтүстік-шығыстан, шығыстан жел соғады, түнде облыстың батысында, орталығында, күндіз басым бөлігінде 15-20 м/с, күндіз облыстың батысында, орталығында екпіні 25 м/с жетеді.

Атырау облысында шығыстан, оңтүстік-шығыстан жел соғады, күші 15-20, күндіз облыстың батысында, оңтүстігінде, солтүстігінде екпіні 23-28 м/с жетеді.

Түркістан облысының таулы және тау бөктерлі аудандарында тұман түседі. Шығыстан, оңтүстік-шығыстан жел соғады, күндіз облыстың солтүстігінде күші 15-20 м/с.

Шымкентте түнде тұман түседі.

Маңғыстау облысының орталығында шаңды дауыл соғады. Оңтүстік-шығыстан жел соғады, күші 15-20, облыстың батысында, солтүстік-шығысында, орталығында екпіні 23-28 м/с жетеді.

Қызылорда облысында жел шығыстан соғады, түнде облыстың батысында, күндіз облыстың басым бөлігінде күші 15-20 м/с жетеді.