Ауа райы болжамы: бүгін еліміздің кей өңірінде қар жауады

Синоптиктер 19 сәуірге арналған ауа райы болжамын жариялады, деп хабарлайды Аlmaty.tv «Қазгидромет» РМК баспасөз қызметіне сілтеме жасап. 

«Атмосфералық фронталды бөліктердің өтуіне байланысты Қазақстанның басым бөлігінде тұрақсыз ауа райын қалыптасады – жаңбыр мен қар түрінде жауын-шашын, елдің шығысында қар жауып, жаяу бұрқасын болады. Тек ҚР батысы мен орталығына антициклон жотасы әсер ететін болады – жауын-шашынсыз ауа райы болжанады», - делінген хабарламада.

Республика бойынша жел күшейіп, тұман, республиканың солтүстігінде, шығысында көктайғақ болады.

Түнде Алматы облысының шығысы мен тау бөктерлі аудандарында, Жетісу облысының солтүстігі мен орталығында, Жамбыл облысының оңтүстігінде 1-3 градус үсік жүреді.

Астанада құбылмалы бұлтты, аздап жауын-шашын (жаңбыр, қар). Солтүстік-шығыстан соғатын жел оңтүстік-батыстан 7-12 м/с. Ауа температурасы түнде 3-5 градус аяз, күндіз 4-6 градус жылы.

Алматыда құбылмалы бұлтты, түнде аздаған жаңбыр жауады. Солтүстік-шығыстан 3-8 жел соғады, түнде екпіні 13 м/с. Ауа температурасы түнде 5-7, күндіз 13-15 градус жылы.

Шымкентте құбылмалы бұлтты, жауын-шашынсыз. Солтүстік-батыстан 8-13 м/с жел соғады. Ауа температурасы түнде 6-8, күндіз 18-20 градус жылы.

Шығыс Қазақстан облысының солтүстігінде, шығысында, оңтүстігінде қар, жаяу бұрқасын, көктайғақ, күндіз облыстың батысында, солтүстігінде, шығысында жауын-шашын (жаңбыр, қар), көктайғақ болады. Облыстың солтүстігінде, шығысында тұман түседі. Жел солтүстік-батыстан соғады, түнде облыстың солтүстігінде, күндіз облыстың батысында, солтүстігінде, оңтүстігінде екпіні 15-20 м/с. 

Ақмола облысының батысында жауын-шашын (жаңбыр, қар) жауады. Түнде облыстың шығысында көктайғақ болады. Солтүстік-шығыстан соғатын жел оңтүстік-батысқа ауысады, күндіз облыстың батысында екпіні 15-20 м/с.

Қызылорда облысында жел солтүстік-батыстан соғады, күндіз облыстың солтүстігінде, шығысында, орталығында екпіні 15-20 м/с жетеді.

Қостанай облысының солтүстігінде, шығысында найзағай ойнайды. Түнде және таңертең облыстың батысында, оңтүстігінде тұман түседі. Солтүстік-батыстан жел соғады, күндіз облыстың батысында, солтүстігінде, шығысында екпіні 15-20 м/с.

Ақтөбе облысында оңтүстік-батыстан соққан жел солтүстік-батысқа ауысады, күндіз облыстың солтүстігінде, орталығында екпіні 15-18 м/с жетеді.

Жамбыл облысының таулы аудандарында тұман, күндіз найзағай болады. Солтүстік-батыстан жел соғады, облыстың оңтүстік-батысында, солтүстік-шығысында, таулы аудандарында 15-20 м/с жетеді. Түнде облыстың оңтүстігінде топырақ бетінде 1 градус үсік сақталады.

Жетісу облысының таулы аудандарында күндіз тұман түседі. Оңтүстік-батыстан жел соғады, облыстың шығысында екпіні 15-20, Алакөл көлдері ауданында кей уақыттарда 23-28 м/с. Облыстың солтүстігінде, орталығында түнде 1-3 градус үсік жүреді.

Қарағанды облысының солтүстігінде, шығысында қар, көктайғақ, күндіз облыстың батысында, шығысында көктайғақ болады. Түнде және таңертең облыстың солтүстігінде, шығысында тұман түседі.

Павлодар облысының оңтүстігінде, шығысында жауын-шашын (көбінесе қар), көктайғақ, күндіз облыстың шығысында жауын-шашын (жаңбыр, қар), көктайғақ болады. Батыстан жел соғады, облыстың оңтүстік-шығысында екпіні 15-20 м/с жетеді.

Солтүстік Қазақстан облысында оңтүстіктен, оңтүстік-батыстан жел соғады, түнде облыстың оңтүстігінде екпіні 15-20 м/с, күндіз 15-20 м/с жетеді. 

Абай облысының батысында, солтүстігінде, орталығында қар, жаяу бұрқасын, көктайғақ, күндіз облыстың батысында, солтүстігінде, оңтүстігінде жауын-шашын (жаңбыр, қар) болады. Түнде және таңертең облыстың оңтүстігінде, шығысында, орталығында тұман түседі. Жел солтүстік-батыстан соғады, түнде облыстың батысында, солтүстігінде, күндіз облыстың шығысында, оңтүстігінде, орталығында екпіні 15-20 м/с жетеді.

Оқи отырыңыз: Алматыда 21-27 сәуір аралығында ауа райы қандай болады