Екпінді жел, тұман, көктайғақ: елімізде ақпанда ауа райы қандай болады

Қазгидрометтің хабарлауынша, ақпан айында республика аумағында екпінді жел, тұман және көктайғақ күтіледі, деп хабарлайды Almaty.tv.

Ақпан  – жылдың ең құбылмалы айларының бірі. Бұл ай ауа температурасының күрт өзгеруімен сипатталады.

Ақпанның басында солтүстік-батыс циклонының әсерінен жауын-шашынды бұлтты ауа райы – қар, жылбысқы қар, жаңбыр, елдің солтүстік жартысында бұрқасын болжанады. Республиканың басым бөлігінде ақпанның алғашқы күндерінде ауа температурасының көтерілуі күтіледі:

• елдің батысы мен оңтүстігінде күндіз 0,+10°С дейін;
• республиканың солтүстік жартысында түнде -2-7°С дейін, күндіз -4+1°С дейін.

Елдің шығысы мен орталығында температураның негізгі фоны түнде -12-20°С, күндіз 0,-8°С дейін жылуы мүмкін.

Бірінші онкүндіктің екінші жартысында Салехард аудандарынан суық антициклонның әсерінен Қазақстанда ауа температурасының төмендеуі мүмкін:

• елдің солтүстік жартысында түнде -28-35°С дейін, күндіз -20-25°С дейін;
• оңтүстік жартысында түнде -13-20°С дейін, күндіз -5-12°С дейін, таулы аймақтарда және оңтүстік аймақтардың солтүстігінде түнде -30°С дейін, күндіз -20°С дейін.

Ақпанның екінші және үшінші онкүндіктерінде консультативтік болжамға сәйкес, аязды күндер жылы күндермен алмасады, қар, тұман және көктайғақ күтіледі. Республиканың оңтүстік және оңтүстік-шығыстың таулы аймақтарында қатты жауын-шашын, яғни жаңбыр, қар болуы мүмкін.

Суық антициклонның енуіне байланысты қарқынды суық толқынды күндері ауа температурасы төмендейді:

• солтүстік жартысында және ҚР орталығында түнде -25-35°С дейін, күндіз -15-25°С дейін;
• республиканың оңтүстік жартысында және оңтүстік-батысында түнде -12-22°С дейін, күндіз -3-15°С дейін.

Ал циклондық белсенділік кезеңінде ауа температурасының Қазақстанның солтүстік жартысында күндіз -5+3°С дейін, елдің оңтүстік жартысында және оңтүстік-батысында күндіз +5+15°С дейін жоғарылауы күтіледі.

Оқи отырыңыз: Алматыда 3-9 ақпан аралығында ауа райы қандай болады