Қазақстанда демалыс күндері ауа райы қандай болады

«Қазгидромет» РМК алдағы демалыс күндеріне арналған ауа райы болжамын жариялады, деп хабарлайды Almaty.tv.

Синоптиктердің болжамынша, атмосфералық фронттардың өтуімен елдің көп бөлігінде ауа райының тұрақсыз сипаты күтіледі: жаңбыр, найзағай, желдің күшеюі, бұршақ болуы мүмкін. Қатты жауын-шашын 27 сәуірде Батыс Қазақстан, Ақмола, 28 сәуірде Қостанай, Ақмола, Солтүстік Қазақстан облыстарында болады деп болжанып отыр.

«Республиканың батысында, шығысында, оңтүстік-шығысында тұман күтіледі. 26 сәуірге қараған түні Абай облысында, 26-27 сәуірде Шығыс Қазақстан облысында 1-3 градус аяз күтіледі», - делінген ауа райы болжамында.

Температуралық фон:

• Елдің батысында түнде 10-15-тен 2-10-ға дейін, күндіз 20-27-ден 6-14-ке дейін төмендейді.
• Елдің оңтүстік-батысында түнде 12-20-дан 7-15-ке дейін, күндіз 20-30-ға дейін, 28 сәуірде 10-18-ге дейін төмендейді.
• Елдің солтүстік-батысында түнде 10-17-ден 7-12-ге дейін, күндіз 20-28-ден 12-22-ге дейін төмендейді.
• Елдің солтүстігінде түнде 5-10-дан 10-17-ге дейін, күндіз 21-28-ден 18-23-ке дейін төмендейді.
• Елдің орталығында түнде 5-15-тен 12-17-ге дейін, күндіз негізгі фон 23-30 жылуды құрайды.
• Шығыста түнде 1-8 жылудан, аяз аймағының солтүстік-шығысында 1-3 градустан 10-15 жылуға дейін, күндіз 20-27-ден 23-31 жылуға дейін көтеріледі.
• Оңтүстікте түнде 15-20-дан 17-23-ке дейін, күндіз 28-33-тен 32-37-ге дейін көтеріледі.
• Оңтүстік-шығыста түнде 5-17-ден 10-20-ға дейін, күндіз 22-30-дан 27-35-ке дейін көтеріледі.

Оқи отырыңыз: Алматыда 28 сәуір мен 4 мамыр аралығында ауа райы қандай болады