Меншікті өндіріс
Біз әлеуметтік желілердеміз
Парламент Сенатының депутаттарын сайлау басталды
14.01.2023 16:18
Республика бойынша таңдаушылар тізіміне 3167 мәслихат депутаты енгізілген
baq.kz
Елімізде ҚР Парламенті Сенатының депутаттарын сайлау басталды, деп хабарлайды Almaty.tv тілшісі ҚазАқпаратқа сілтеме жасап.
Орталық сайлау комиссиясының мәліметінше, сағат 10:45-тегі жағдайға сәйкес, еліміздің барлық өңірлеріндегі таңдаушылар отырыстарында кворумға қол жеткізілді.
Парламент Сенатындағы 20 орынға 55 кандидат үміткер болып отыр. Республика бойынша таңдаушылар тізіміне 3167 мәслихат депутаты енгізілген.
Парламент Сенатының депутаттарын жанама сайлау құқығы негізінде жасырын дауыс беру арқылы мәслихат депутаттары сайлайды.
Сенат депутаттарының сайлауы еліміздің барлық өңірлерінде таңдаушылардың бірлескен отырыстарында өткізіледі.