Меншікті өндіріс
Біз әлеуметтік желілердеміз
Заңда коалиция атынан сайлауға түсуге шектеу жоқ – әділет министрі
Кешеден бері бірнеше республикалық және қоғамдық ұйым Тоқаевты президентікке үміткер ретінде ұсынды
Қасым-Жомарт Тоқаев президент сайлауына коалицияның атынан түсетінін мәлімдеді. Әділет министрі Қанат Мусиннің айтуынша, заңда бұған шектеу жоқ, деп хабарлайды Almaty.tv тілшісі Sputnik Қазақстанға сілтеме жасап.
"Заң бойынша бір республикалық бірлестік бір кандидатты ұсына алады. Ал коалиция деген ол саяси термин. Барлығы ұсынса, ол коалиция болып саналады", - деді Қанат Мусин журналистерге берген сұхбатында.
Оның айтуынша, коалиция атынан кандидат шығару үшін бірлескен съезд және басқа да жиын өткізудің қажеті жоқ. Себебі әрбір ұйым өз ұсынысын жасап қойған. Ал заңда коалиция атынан сайлауға қатысуға шектеу қарастырылмаған.
Айта кетері, кешеден бері бірнеше республикалық және қоғамдық ұйым Тоқаевты президентікке үміткер ретінде ұсынды. Бүгін Amanat пен Қазақстан Халық партиясы да оның кандидатурасын бірауыздан қолдады.