Меншікті өндіріс
Біз әлеуметтік желілердеміз
Президент Мьянма премьер-министріне көңіл айту жеделхатын жолдады
Мьянмадағы жер сілкінісі салдарынан көптеген адам қаза тапқан
Мемлекет басшысы Мьянма Премьер-министрі Мин Аун Хлайнға көңіл айту жеделхатын жолдады, деп хабарлайды Аlmaty.tv Ақорданың баспасөз қызметіне сілтеме жасап.
«Қасым-Жомарт Тоқаев жеделхатында Мьянмадағы жер сілкінісі салдарынан көптеген адамның қаза тапқаны туралы суыт хабарды терең күйзеліспен қабылдағанын жеткізіп, осы елдің Премьер-министріне және жақындарынан айырылған отбасыларға көңіл айтты», - делінген хабарламада.
Сонымен қатар зардап шеккендердің тез арада сауығып кетуіне тілектестік білдірді.
Еске салайық, 28 наурыз күні Астана уақытымен 11:20–да Мьянмада 7,9 балдық жер сілкінісі тіркелді. Сондай-ақ сілкініс дүмпуі Таиланд астанасы Бангкок пен Лаос астанасы Вьентьянда да анық байқалған. Жалпы Мьянмадағы жер сілкінісінен 144 адам қаза тауып, 300 адам жарақат алды.
Оқи отырыңыз: Үрейленбеңіз: жер сілкінісі кезінде не істеу керек