Ақтау тұрғындары жағажайдағы қаңғыбас иттерге шағымданды

Қала тұрғы Ақтау қаласының 1-шағынауданындағы "Маракеш" жағажайы аумағында күн сайын қаңғыбас иттер жүретінін айтып шағымданды. Олардың айтуынша, иттер адамдарға шабуылдайды, деп хабарлайды Almaty.tv тілшісі Tengrinews.kz-ке сілтеме жасап.

Портал тілшілеріне 1-шағынауданның тұрғыны иттердің қызға шабуыл жасағанына куә болғанын айтты.

"Бәрі күтпеген жерден болды. Қыз қорқып айқайлай бастады, отырып, бетін басып алды. Жақын жерде спорт алаңында бір жігіт жұмыс істеп жүр еді, ол көмекке асығып, итті қуып жіберді. Қыз есеңгіреп қалды. Жолға дейін шығарып, таксиге отырғызды", - дейді 1-шағынауданның тұрғыны Елена.

Өткен аптада жергілікті тұрғын Руслан сол аудандағы иттердің екі балаға қалай шабуыл жасамақ болғанына куә болған. Жақын жерде қайғылы оқиғаның алдын алған ата-анасы болды.

Ветеринарлық станция әзірге жағдайға қатысты пікір білдірген жоқ.