Меншікті өндіріс
Біз әлеуметтік желілердеміз
ШҚО-да жүк көлігі өртенді
03.07.2021 16:26
Оқиға орнына КамАЗ көлік цистернасымен өрт сөндіру бөлімінің 5 қызметкері шықты
ҚазАқпарат
Шығыс Қазақстан облысында жүк көлігі өртенді, деп хабарлайды Almaty.tv тілшісі ҚазАқпаратқа сілтеме жасап.
Шығыс Қазақстан облыстық Төтенше жағдайлар департаментінің баспасөз қызметінен «Өскемен-Алтай-Рахман қайнары» күре жолының 40-шы шақырымында келе жатқан «Volvo FH 12» жүк көлігі өртенгенін мәлім етті. «Өрт көлік қозғалтқышынан шығып, салонның 7,5 шаршы метрі жанған. Оқиғаның себебі – жоғары қаупі бар агрегатты абайсыз пайдалану», – деп түсіндіріп өтті ШҚО ТЖД-нің баспасөз қызметінен.
Оқиға орнына КамАЗ көлік цистернасымен өрт сөндіру бөлімінің 5 қызметкері шықты. Олар жалынмен күресе отырып, жарылысты болдырмау үшін отын багын салқындатқан.