Меншікті өндіріс
Біз әлеуметтік желілердеміз
Көшеде пышақпен жүрген ер адам ұсталды
Полиция тексеру жүргізіп жатыр
Павлодар полициясы қолына пышақ алып, көше кезген ер адамды ұстады, деп хабарлайды Almaty.tv тілшісі Рolisia.kz-ке сілтеме жасап.
6 мамырда Павлодар қаласының полициясына Сатбаев көшесіндегі сауда үйінің жанында ер адам пышақпен жүргені туралы хабарлама түсті.
«Бұл факті Павлодар қаласының Солтүстік полиция бөлімінде тіркелді. Көрсетілген мекенжайға дереу түрде автопатрульдер мен тергеу-жедел тобы жіберілді. 39 жастағы ер адам ұсталып, жеке басы анықталды. Қолындағы ас үй пышағы тәркіленді», - делінген мәліметте.
Полиция қызметкерлері медициналық куәландыру жасау үшін ер адамды денсаулық сақтау мекемесіне жеткізді.
«Нәтижесінде, ер адам мас күйінде болғаны анықталды. Полиция ер адамды уақытша бейімдеу және детоксикация орталығына апарды. Полиция тексеру жүргізіп жатыр», - делінген ұсынылған хабарламада.