Алматы облысында екі бала дәретхана шұңқырына түсіп кетті

Алматы облысы Талғар ауданы Амангелді ауылында екі бала әжетхана шұңқырына құлап кетті, деп хабарлайды Almaty.tv тілшісі Azattyq Ruhy агенттігіне сілтеме жасап.

Оқиға 28 шілдеде болған.

«Сағат 18:45-де екі бала дәретханаға түсіп кеткені туралы хабарлама келіп түсті. Алматы облысы ТЖД қызметкерлері дереу өрт сөндіру бөлімінен 8 км қашықтықтағы оқиға орнына барды», - дейді департаменттің баспасөз қызметі.

Балаларды әкесі шұңқырдан өз бетімен шығармақ болған.

«2020 жылы туған бала қазылған дәретхана шұңқырына құлап, әкесі оны құтқару үшін арқанның көмегімен 2013 жылы туған қызын қазылған шұңқырға түсірген. Бірақ өз бетінше екі баланы көтеріп шығара алмаған», - дейді ТЖД мамандары.

Құтқарушылар балаларды сағат 18:54-те шұңқырдан шығарып алған. Жедел медициналық жәрдем бригадасы алғашқы медициналық көмек көрсеткен.