Қызылордада із-түзсіз кеткен тұрғынның денесі каналдан табылды

Қызылордада үйінен шығып, қайта оралмаған 44 жастағы азаматтың мүрдесі каналдан табылды, деп хабарлайды ҚазАқпарат.

Бұл азамат 22 шілдеде таңғы сағат 10.00 шамасында үйінен шығып кеткен. Отбасы мүшелері содан кейін ол азаматтан еш хабар ала алмаған.

«Осы мақсатта іздестіру жұмыстары жүргізілді. Нәтижесінде жедел-құтқару жасағының мамандары оның мүрдесін қала орталығындағы каналдан тапты»,- деп мәлім етті Қызылорда облыстық төтенше жағдайлар департаменті баспасөз қызметінің маманы Айгүл Нұрманова.

Биыл жыл басынан бері Қызылорда облысында суға кеткендер саны 25 адамға жуықтады. Олардың ішінде 10-ы балалар. Төтенше жағдайлар саласының мамандары суға түскенде сақ болуды ескертеді. Тұрғындарға арнайы белгіленген қауіпсіз аймақтарда суға түсуден сақтануды, Сондай-ақ, балаларды бақылаусыз қалдырмауДЫ ескертеді.  

Естеріңізге сала кетсек, бұдан бұрын Қызылорда облысында бір бала суға кетіп, біреуі құтқарылғанын хабарлаған едік.